August 23, 2023; Tun sawrkar term kal mek, Mizoram State Legislative Assembly pariatna thutkhawm (session) kum 5 chhungin ZPM member Lalduhoma chu house a ding ngun ber a ni.

Vawiin a Assembly Speaker Lalrinliana Sailo in Assembly lamin kum 5 chhung an lo record a puan danin, a pumpui ah Serchhip bialtu MLA Lalduhoma chu vawi 165 dingin, a pumpui a ding tam ber a ni a, Congress member C. Ngunlianchunga vawi 114 dingin, ZPM member Dr. Vanlalthlana vawi 105 a ding bawk.

Ruling lam atanga ding ngun ber chu Dr. Vanlaltanpuia niin, vawi 70 a ding a, Dr. ZR. Thiamsanga vawi 67 dingin, Dampa bialtu Lalrintluanga Sailo chu vawi 58 a ding bawk.

Tun sawrkar term kal mek hi Mizoram State Legislative Assembly pariatna niin, tun term kal mek kum 5 chhungin vawi 12 thutkhawm neih a ni.