Aizawl:September ni 14 a Outlook Agri Tech Summit and Swaraj Awards hlanna a Mizoramin lawmman a dawn 'Best performing State in Agriculture among the North East States' dawngtu Agriculture Minister C. Lalrinsanga chu nimin khan Lengpui Airport ah lo hmuah a ni.            

Minister hmuahna hun hi J. Hmingthanmawia, Secretary, Agriculture Department in a kaihruai a, thu sawiin C. Lalrinsanga chuan, “He lawmman hian phurna thar leh chona thar min pe a, kan hmalakna tlâwmtê, uanpui tham miah loh hmangin Pathianin kan ram a chawimawiah ka ngai. Vawiinah hian Zoram loneitu zawng zawngte taima leh rinawm taka hna thawk zel turin ka chah duh a, kan ram hi Pathianin malsawm a duh tih i hre thar zel ang u,” a ti.