Aizawl July 7, 2022 : Mizoram sawrkar hnuaia Samagra hnathawk inzawmkhawm pawl FEMSE chuan an hlawh chungchanga sorkar hmalaknaah lungawi lovin vawiin 7.7.2022 atang khan Badge Dum an bel tan a. An hmalakna ten rah tha a chhuah loh chuan dt. 11.7.2022 atangin Pen Down Strike neih an tum. Sikul calendar ang chuan July 18 atang hian 1st Term exam tan tur a ni.

Samagra hnuaia thawkte hian 8.7.2022 hian badge dum belin an hna pangai an thawk leh ang a, hei hian awmzia a nei lo a nih chuan July 11, 2022 atangin Pen Down Strike neih an tum a, hei hian awmzia a nei lo anih chuan 15.7.2022 hian FEMSE Council chuan an kal zel dan tur an ngaihtuah dawn a ni. 

Samagra hnuaia thawkte hian kum 2019, November khan an hlawh chungchangah lungawi lovin kan lo nuar tawh a, sawrkar in Study Team a din sak a, chu Study Team hian recommendation pawh sawrkar ah a thlen tawh a, CM approval pawh lak a ni tawh a, Cabinet Meeting Agenda ah dah a ni a. Cabinet meeting hnung berah khan pawm he agenda hi a pawmsak ta lo a ni. 

Sawrkar sikul Calender ang chuan July 18, 2022 leh July 27, 2022 inkar hian exam neih a, result tichhuah hman tur a ni a, July 28- 31, 2022 khi exam chawlh a ni ang a, August 1, 2022 atangin zirna in hawn leh tur a ni.