Aizawl: Vawiin ni 5.7.2022 (Thawhlehni) tlai dar 3 khan Chief Ministers' conference hall ah Bawngkawn leh Vaivakawn a fly over siamna atan Telecommunications Consultants India Ltd. TCIL leh Mizoram PWD ten inremna (MoU) an ziak.

PWD Engineer in Chief Er. Bowman sawi danin Bawngkawn leh Vaivakawn junction a fly over siam hna hi Telecommunications Consultants India Ltd.(TCIL) chuan an buaipui dawn a. TCIL hian sawrkar laipuiah bawhzui ngai te an bawhzui dawn tih sawiin he project atan hian Mizoram sawrkar chuan sum cheng khat pawh a seng dawn lo niin a sawi a. He project pahnih atan hian reilote ah DPR peihfel beisei a ni tih a sawi bawk.

Adviser to CM K.Lalsawmvela pawhin thu sawiin project 2 atan hian fesibility study neiin pawm (approve) a ni tawh niin a sawi bawk a. "Kan state in kan tih aiin Telecommunications Consultants India Ltd.(TCIL) in an buaipui hian a awlsam zawk dawn a. Project hi thawh anih hunah Mizoram PWD ten enzui leh vilpui hna an thawk dawn a ni," a ti bawk. K.Lalsawmvela chuan Chaltlang-a Transport workshop hmunah TCIL hian building liantham tak sa turin ruahmanna an kalpui mek niin a sawi bawk.