Indian tax thuneitute chuan BBC pisate an dap hnuah an sum che vel chhinchhiahna lehkhabua thil fel lo tak tak an hai chhuah thu an sawi.

Thuchhuah an siamah BBC hming tar lang chiah si lovin, kar liam taa ni thum chhung zet Delhi leh Mumbai-a an pisate an dapnaa an thil hmuhte an sawi.

BBC chuan thuneitute hi an thawhpui zel dawn tih an sawi a. Chhiah thuneituten biak an duh pawhin an be zel dawn tih an sawi bawk.

Hetianga India-a BBC hmunpuite dap a nih hma lawk hian BBC-in documentary a tihchhuahah nasa taka inhnialna a awm hmasa.

Zirtawpni khan India-a Income Tax Department chuan Delhi leh Mumbai-a ‘khawvel huapa Media Company hlun, Hindi, English leh Indian tawng dang dang hmanga tihchhuah’ pisate chu ‘endik’ an ni tih an tar lang.

An pawisa lak luh leh hlep an tar lante chu ‘India-a an chet vel dan nen a inchawi tawk lo’ tih an tar lang.

An thil hai chhuahah chuan ‘ram dang pawlten India-a chhiah an pek dan thin anga pek a ni lo’ tih a tel bawk tih thuchhuahah chuan tar lan a ni.

India-a BBC hmunpuite hi ni thum lai an dap hnuah Ningani khan BBC chuan, “Thuneitute kan thawhpui zel dawn a, a rang thei ang bera chin fel a nih kan beisei,” an ti.

“Thawktute hi rei tak tak zawhna zawh an ni a, zanah pawh hawtir an ni lo va, an himna hi kan ngaih pawimawh ber a ni.

“Kan thawh dan hmang chu a ngai rengin a kal dawn a, India leh a piah lama min thlirtute tan kan tih ngai kan ti zel ang.

“BBC hi rintlak, mi dang ring lo media organisation a ni a, kan thawhpui leh chanchinbumite chuan hlauhna leh duhsak bik nei lovin thil an tar lang zel ang,” a ti.

Modi-a demna documentary vang?

New Delhi leh Mumbai-a pisate hi UK-a documentary pakhat, Indian Prime Minister Narendra Modi demna lam thu tihchhuah a nih hnu lawka dap a ni.

Documentary hi television-ah chuan UK-ah chauh tihchhuah a ni rih a, Indian sorkar hian ‘India: The Modi Question’ tih hi online-a thehdarh khap a tum a, ‘ram awptu rilru nena inhalna thehdarhna leh India dona’ tiin a sawi.

Thla hmasa khan Delhi-a police-te chuan  en tuma pungkhawmte a man nual.

Documentary-ah hian prime minister hi kum 2002-a Gujarat chief minister a nih laia Muslim huatna avanga tharum thawhna thlenga a inrawlh dan tar lan a ni.

UK Foreign Office atanga report tihchhuah loh an dawn behchhana siam niin buaina chhuaka Modi-a hma lak dan nepzia tihlanna a ni.

Gujarat-a buaina chhuak hi a hma ni chiaha Hindu biakzinte chuanna rel kanga mi eng emaw zat an thih atanga intan a ni a. Mi 1,000 chuang, a tam ber Muslim an thi zui.

Foreign Office-in report a siamah Modi-a chu tawrhna thleng tur pumpelh theihna siam theihna kara hma lak lohnaah ‘mawhphurtu ber’ nia tar lan a ni.