Aizawl: Nimin zing khan Dr. K. Beichhua, Hon'ble Minister I/c SWD, AH &Vety etc. chuan ECM Kohhran enkawl AGAPE HOME, Amôbyu Vaihthieh (Zero) chu a tlawh.

Minister hi Rev. Dr. S.T. Zawsi, ECM Kohhran Secretary i/c Social Mission leh Home hotunu Debbie Fachhai, bakah thawktuten te an lo dawngsawng.

Home enkawltute hian Minister hnenah, MLALADS atanga Rs. 6.00 Lakhs hmanga Building tha tak a saksak avang leh kawng hrang hranga anmahni tanpui a inhuam reng avang te in lawmthu an lo hrilh a, ngaihven zui turin an lo ngen bawk.

Agape Home-ah hian tun dinhmunah thawktu 6 awmin, enkawl lai mi 5 an awm a. Inmate te hian taksa damna chauh ni lovin thlarau damna an chan theih nana enkawlna pek an ni.

Programme tawite hman a ni a, Rev. Dr. S.T. Zawsi chuan lawmthu sawina neiin, an mamawhte chu Minister hnenah a thlen a, Pathian hnenah lawmthu sawina leh malsawm tawngtaina hun a hmang bawk.

Minister hian nimin vek khan Lawngtlai a LIKBK Kohhran enkawl Lairam Rescue Centre Building sakna tur lungphum a phum nghal ang.