He Russian supermodel chhe lo zet hian pasal a nei a, fa pawh a nei. A pasal hlui hi American actor Bradley Cooper a ni a, a laklah a la beidawng lo a, inneih leh ngei a la duh niin khawrthlang media te chuan an tarlang. 

Hetih lai hian kum 37 mi Irina Shayk hi NFL legend Tom Brady nen sawi zawm mek an ni a, an in date nia tarlan a ni. Shayk hian Bradley Cooper nge a thlan zawk dawn Tom Brady tihah a rilru a buai hle nia sawi a ni a, Brady nen in date mah se Cooper nena inneih leh chu a duh ber niin an tarlang. 

Kum 48 mi Cooper nen hian kum 2015 atang khan an inzui tan a, 2017 khan fanu Li de Seine Shayk Cooper an nei. Fanu duhawm tak nei mah se khawthlang milar dangte ang bawkin 2019 khan an inkar titawpin an inthen thu an puang. Irina Shayk hian Cristiano Ronaldo (2010-2015) pawh a lo kawp reng tawh a, a duh zawng mipa chu a hlah meuh lo. 

Nupui then Tom Brady nen an inhnim hnai hle nia sawi pawh hi thudik a nih a rinawm. Tom Brady hi 2022 khan a nupui Gisele Bundchen nen an inthen a, kawppui mumal a la nei leh bik lo - an chanchin hian media titi a luah rih dawn a nih hmel hle.