American singer Beyoncé Knowles chuan US khawpui hmun hrang hrangah Renaissance World Tour 2023 a nei mek a, fan lamin an ngaihlu hle. Fan te chuan Beyoncé hi show nei nawn turin an ngen hial a, hei hi American singer hian ngaipawimawhin a tihhlawhtlin sak dawn a ni. 

Kum 41 mi Beyoncé hian - Toronto, Chicago, East Rutherford, Washington DC, Atlanta, Los Angeles leh Houston-ahte show a nei nawn vek dawn a, fan lam pawh an phur tawh hle. Heng khawpui pasarihah hian concert a nei kual tawh a, mipuiin an hlut hle. Hei vang hian concert a nei nawn leh dawn a, July 9 atangin Toronto-ah bul a tan leh anga Houston (September 24) ah a tawp a khar ang.

'Crazy in Love' singer hian Renaissance World Tour a neih chhung hian Europe hmun hrang hrangah show vawi 40 chuang a nei dawn a, hemi hnu hian North America lam hi a pan leh dawn a ni.