ZALEN, Feb. 03, 2025: Central YMA chuan tun hnaia Edenthar Branch YMA hruaitute nena birth certificate lem ni ngeia hriat an hmuh chhuah chu chhui chiang tur leh a siamtu zawng chhuak turin Aizawl Police Station-ah Thawhtanni khan FIR an thehlut. 

Edenthar Branch hruaituten birth certificate lem ni ngeia an hriat hi chhui zuiin Central YMA Kumpuan Committee nen hma an la a. Thuneituten a mawhphurtu zawn chhuaha a phu ang tawka hrem a nih theihna turin FIR hi thehlut a ni ta a ni. 

Central YMA chuan birth certificate hi khua leh tui dik takte chauhin an neih tur a nih avangin a pek chhuah kawngah hemi lam buaipuitute fimkhur turin a ngen nghal bawk.