Aizawl June ni 1, 2022: BJP Mizoram Pradesh President Vanlalhmuaka chuan Mizoram sawrkar chu central scheme hrang hrang te tlangzarh tha duh lo ah a puh.

Vawiin chhun khan BJP in India rama sawrkarna an chan kum 8-na pualin an party office, Upper Republic ah chanchinbumite kawmin BJP President chuan, "State dangah chuan sawrkar laipui scheme hrang hrang te hi hoarding nen an tar laiin Mizoram ah chuan tar a ni ve lo a. Party induhsakna leh anmahni hamthatna atan an hmang thin a ni," a ti.

Kum 8 kalta chhunga BJP sawrkar, Prime Minister Narendra Modi hnathawh tlangpui sawiin chenna tur in nei lo tan in vaibelchhe 3.5 sak a ni tawh tih a sawi a. Hei bakah hian electric la luh lohna khua 19,000 ah eng pek a ni a, Swatchh Bharat Mission katlangin ekin 11.22 siam a ni tawh a, JJM kaltlangin chhungkaw vaibelchhe 6.2 chu tui intur thianghlim pek a ni a, PM Ujjwala Yojna kaktlangin gas la nei lo mi vaibelchhe 9 chu hmeichhe hmingin connection pek an ni a, Ayushman card vbc.18 pekchhuah a ni tih sawiin heng bakah pawh hian hmasawnna hna hrang hrang thawh a ni tih a sawi bawk.