BJP-in Congress politics thila Manipur buaina remchanga hman tumah a puh || Mawng hlimah an ngai
![](/storage/news/post/TI6vcZLfUptfXvaBQxWtrPsTJG7M7BEzhqkgnoJ7.jpg)
Aizawl May 8, 2023 : BJP Mizoram vawiin hian BJP State Office, Upper Republic ah Karthar Inhlanna leh Political Session neih niin, President Charge la tu R. Vanramchhuanga, State Vice President chuan thu a sawi, Manipur chu BJP sawrkarna anih avangin Congress chuan party politics-ah remchanga hman tumah a puh a, an mawng an hlim nia a ngaih thu a sawi.
R. Vanramchhuanga chuan, "Manipur-a buaina chungchangah BJP Mizoram chuan Manipur-a Zohnahthlak tam tak Imphal-a tang mek te tan theihtawp chhuahin hma kan la a, Manipur buaina hi a bulthum hre lo te'n BJP leh Modi-a beih nan an hmang hi a dik lo. Manipur-a Congress Sawrkar laiin communal violence a thleng fo tawh a, Congress sawrkar hunlaiin communal violence avanga nunna chan an awm nual tawh a nih kha, chung te chu Congress thil tih kan ti ngai chuang lo a ni. Tun huna BJP sawrkarna state anih vanga Party politics atana remchangah lo hman an tum a, Congress Party te hian an mawng an hlim mai a ni," a ti.
Chhuanga chuan, "Communal Violence hi India ram hmun hrang hrang ah a thleng tawh thin a, Indira Gandhi a thih hnu ah, Sikh mi tam tak thah an nih khan Congress thil tih ah kan sawi ngai lo. Graham Stain-a te pafa hal hlum an nih khan Congress sawrkarna state a ni a, Congress thah kan ti chuang lo. Mizoram ah ngei pawh Bawngkawn ah Biakin vawmchhiat a nih khan Congress sawrkar lai a ni a, Congress in an tihchhiatsak kan ti bik em ni?," a ti
BJP State Vice President chuan, "Congress Party Vice President Pu Lalthanzara'n Rawpuichhip-a an Party mite hun a hmanpuina-a a thusawi ang hi kan pawm dawn anih chuan, Congress sawrkar hunlai a thil thleng thenkhat kan sawi ho te khi, Congress thil tih tihna a ni dawn a, Congress Party hian buaina leh harsatna hi an ti chhuak nasa hle tihna a ni ngei ang," a ti bawk.
Chhuanga chuan sawi chhunzawmin, "Chuvangin tun huna Zohnahthlak ten harsatna an tawh na avang hian, inpumkhatna leh remna leh muanna ti thuanawp thei thil Mizo mipuite Ka-ah chhuak lovin, Mizoram chu zofate inpui anih ang a, kan chheh vel ram atanga buaina kan tawh na hi Pathian-in Zohnahthlâk ram hrang leh tlang hranga awm ten inpumkhatna tha kan neih na tur leh Mizo kan nihna a inhmangaihna leh inpumkhatna tha a awm theih nan Mizoram mipui te kan tan tlan a ngai a ni," a ti bawk.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024