Aizawl: BJP Mizoram Pradesh chuan nimin khan BJP Membership Drive 2019 campaign hawnna hun an hmang a, August 11, 2019 thleng a awh dawn a ni.

BJP Membership Drive chungchang hi sawi fiahin nimin khan BJP hruaitute chuan an pisaah chanchinbumite an kawm a, BJP member nih duhte chuan number 89 80 80 80 80 ah hian missed call pek tur a ni a. Missed called pek hnu hian call chu automatic-in a in-cut nghal a, Hindi leh English in message dawn hnuah SMS thawnna tur number ah mahni hming, Address, Email, Pin Code, Phone number chu SMS tur a ni a. Hemi zawh hi chuan BJP Primamry member an lo ni tawh dawn tih an sawi a. Phone nei lo tan Membership Registration Form hmang pawhin BJP Membership hi a nih theih a. Membership Registration bu hi Membership Incharge te hnenah State ah emaw, Dstrict ah emaw, Block ah emaw, Polling Booth /Local Unit Committee-ah emaw ngaihven theih a ni tih media mite an hrilh bawk a ni.