ZALEN Aizawl January 8, 2023 : Vawiin hian BJP Mizoram chuan Kum 2024 atana State Party Office hawnna hun neiin, Vanlalhmuaka State President-in thusawina hun a nei a, Mizoram in hma a sawn theihna turin theih tawp kan chhuah zel dawn a ti a, BJP chu constructive opposition role an play tur thu a sawi bawk.

Vanlalhmuaka chuan, "BJP chuan Mizorama Sawrkarna siam tur a nasa taka kan beihna chu tun hunah atakin la thleng hrih lo mahse, Mizoram in kawng hrang hranga hma kan sawn theihna turin theih tawp kan chhuah zel dawn a ni," a ti.

Hmuaka chuan, "BJP Mizoram chuan kan dinchhan kan chiang a, Mizoram leh Zohnahthlak tlang hrang hranga mi te tana awm kan nih avangin, Mizo mipuite tana hnathawk tura ding kan ni a, midangte tana Malsawmna thlen tura ding leh awm tur kan ni," a ti.

Hmuaka chuan sawi chhunzawmin, "BJP hian Constructive Opposition Role kan play tur a ni a, MNF Party pawh kha vawiin thleng hian kan beihna kha a diklohna sawi thei kan awm miah lo ang. Chuvangin BJP chu Mizoram tana ding kan nih angin Mizoram thatna tur atana hna thawk tur kan ni a, ZPM Sawrkar pawh keini BJP te chuan kan bei dawn lova, Mizoram tana an hnathawhna ah Constructive Opposition Role play-in hma kan la leh dawn a, chu chu Mizoram a Sawrkarna chelh mek ZPM Sawrkar hian an kalpui thiam chuan Mizoram tan Malsawmna anni ngei dawn a ni," a ti bawk.