Aizawl : BJP Mizoram Pradesh Official Candidate Lalhriatrenga Chhangte chuan, thlan tlin a nih chuan Central Sponsor College, Mizoram University College hnuaia PUC ang din a nih tur thu a sawi.

Nimina Thenzawl-a thu a sawi naah, Hriata Chhangte chuan, "Serchhip bial Bye Election a min thlang tling a nih chuan, Serchhip bial ah hian Central Sponsor College Mizoram University College (PUC) ang hi din a ni dawn a ni," a ti. Hriata chuan, "Serchhip bial te hi Politician-te bumin kan awm tawh tur a ni lo a, min thlang tling anih chuan, langtlang takin he bial hi kan enkawl dawn a, thu chauhva Pathian leh kan ram tan ti mai loin, a taka thawkin hma kan la tur a ni a, Krista hnungzuitu kan nih angin, kan chetzia in kan kristianna hi kan chawimawi zawk tur a ni," a ti