ZALEN June 7, 2025 : Centre for Environment and Social Justice (CESJ) chuan May 28, 2025 khan PR No. CESJ-MZ/A1/2025/07 an ti chhuak a, hetah hian keini Federation Enclave, Developed by Blue Mountain Corporation, Luangmual satute chuan an lei laih chu an ram thlangah an paih nia tarlang a ni chu thu dik lo a ni an ti a. Hemi chungchangah hian thu hriat fuh loh sawifiah ngai a awmin a hnuai ami ang hi thil awm dan chu a ni, an ti.

Blue Mountain Construction Engineering & Services Private Limited Luangmual, Aizawl-a kan project neih mek ‘Federation Enclave’ hi Mizoram a Township Housing Project hmasa ber a ni a. RERA (Real Estate Regulatory Authority)-approved Residential Township niin Government of Mizoram in ‘Special Project’ ah a puang a ni. Khawvel pum huapa lar Architect Christopher Charles Benninger-a duan a ni a, tlang ram hmasawnna atan leh ram tichereu lo zawnga a ruahman a ni. Mizoram a Engineering College tha ber National Institute of Technology hi Structural Consultant leh quality endiktute an ni. He Township Housing Project hi Federation of Mizoram Government Employees and Workers (FMGE&W) hnuaia awm Mizoram Government Employees Housing Society (MGEHS) nena thawhhona neia kalpui a ni.

Blue Mountain Construction chuan, "He kan Project neih lai mek ah hian kawng hrang hrangah harsatna tam tak tunhma atang kan tawk tawh a, leivung chungchangah te pawh midang harsatna siam hlauin fimkhur takin hna kan thawk thin a ni, tunhnaiah leivung chungchanga media lama kan hming min tih hliau sak ta mai hi pawi kan tiin hriatthiam a har kan ti a ni."

"Kan chungchang tha lo taka a lo thang ta mai hi keini Blue Mountain Corporation chuan pawi kan ti a, Centre for Environment and Social Justice (CESJ) thuchhuah chungchangah hian thil hriatthiam loh tam tak a awm niin kan hria a, kan insawifiahna te lo ngaithla a, uluk zawka kan chungchanga thuchhuah te hi ngaihtuah nawn leh nise tih hi kan duhthusam a ni :

1. Hna kan tan hma, kalkawng peihfel anih hnu atang phalna nei lovin, unauthorized dumping yard-a hmangin leivung tam tak he hmunah hian paih a ni a. Chumi bawhzui chuan complaint thehlutin helai hmunah hian leivung paih phal lohna Notice te pawh kan tar a, chuti chung chuan COVID hunlai atang tawh khan paih an lo awm luih zel avangin pawisa chawitir te pawh an awm a ni. Hna kan han tan meuh chuan leivung tam tak khawl sa a lo awm teuh tawh a, chuti chung chuan kan ram hi 22 Bigha lai niin hna kan tan hnua leivung kan khawih reng reng hi kan rama zau that avangin ramchhungah vek kan la dah a, heng leivung te hi kan Retaining Wall leh ban khur hnawh nan hman leh deuh vek a ni. Dan lova leivung paih kan nei lo a, mi lei lo paih awmsa erawh a thlang lui thleng si lovin kum tinin ruah a lo sur hian tlem tlemin a tawlh thla thin a ni.

2. Lei tawlh thin hi hriain theihtawp chhuahin keini lam atang hian JCB (Backhoe) pawh vawi tam tak, record book-a tarlan danin darkar 50 chuang chu kan hai fai tir tawh a, Excavator erawh kan hmang ngai lo a ni. Ruah a lo sur apiang hian lei hlui hi a tawlh thlak leh zel avangin kan buai phah thin hle. Hai fai tura min ngenna angin hma la in theihtawp kan chhuah thin a, tih dikloh kan neih te a lo awm chuan hriatthiam na kan dil a, hma hunah inpuihtawn theihna kan neih na lai ah chuan keini Blue Mountain Construction te hi kan inhawng reng a ni.

3. Nakin zelah he harsatna a awm tawh loh nan  ruahmanna siamin felfai tak turin (Permanent Solution) lungrem kan tum ta a, Engineering drawing te pawh chhuak tawhin a sakna hmanruate pawh kan chah thleng nual tawh a, khaw chhia in min chim buai ve reng avangin kan la tan lo zawk chauh a ni. Hruaitu Vengchhung Local Council lam pawh hrilh hriat kan tum a, chutih laiin he chanchin duhawmlo tak hi NEWS lamah kan hre chhunzawm ta a ni .

4. Site Investigation Report-a a lan danin Leivung tawlh tam zawk hi kan ram leilung a ni lova dan lova leivung an paih thin te kha an ni tih a lei awmdan atang kan hrechhuak a ni. He leivung tawlh thin avang hian phone call lo neitu pakhat (Williams, Ph no- 8837242597) hnen atanga dawngin an harsatna rawn sawiin kan inbia a, hemi atang bak hian complain hi tuma hnen atang ka in emaw ziakin kan dawng lo a. Media a hnathawktute thusawi ngaihsak a hlawh lo tih kha thu diklo a ni. A thusawi te bawhzuiin JCB te pawh kawng thian turin kan tir thla a, lei tawlh thin hi kan kovah dahin vengchhung Local Council te rawn-in hma kan lak tur thu kan lo hrilh a ni.

5.Map case study kan neihna atangin leh Site Investigation Report-a a lan danin kan thlang lui hian Pump house pelin 252.25 metre-ah Tlawng lui a zuk fin chauh a, tin, kan thlang Lui ah hian kan lei thleng thla a awm lo a ni. 

6. Media a video hnuhnung zawk hi keimahni nilo in hmun dang ami lak a ni. 

7. AMC dan zawmin lei laih phalloh lai hrim hrim in kan lai lui ngai lo a ni.

Kan ram hi Luangmual, Ainawn veng bula awm, 22 Bigha vel bawr a ni a. Kan ramah hian kawng kan siam tirh atang daih tawh khan dan phalloh in Mimal/Pawl ten kan ramah hian Ainawn veng kawn atang leh CC peng atang leivung an lo paih thin zawk a ni. 

Kan ram ah hian Leivung hi dan phalloh in CC peng leh Ainawn peng kaltlangin kawng siam tirh atang khan paih a lo ni tawh a ni.

Blue Mountain project neihna dinglam hla lo te 200 metre ah leh kan veilam 454.24 metre a hla ah hian leivung paih thin na lian tak, dan lova a ruk a paih thinna, kan thuneihna piahlam mimal ta an awm ve bawk a ni.

Kan thlang zawn Feh kawng atanga a thlang Lui te(MINECO leh Ebenezer Hospital atanga lo chhuk) inkarah hian kan lam atanga kawrte chhuk thla (Direct connection) engmah a awm lo a ni.

Leivung a ruka an lo paih kan tih, kan zawn thla a mi leh Lui te (Secondary Stream) hian leilung inzawmna (Natural Connection) a nei lo a ni.

Kan thlang Lui te (Secondary stream) hian Tlawng lui hi Pump house thlang 252.25 metre a hla ah a zuk fin a, chuvangin Pump House leh Reservoir a tibuai lo hrim hrim a ni.

Keini Company hi ram tichereu lo tura theihtawp chhuah thin kan ni a, Tuna kan harsatna tawh hi chinfel anih theihnan theihtawp chhuah zel kan inhuam a, chumi atan chuan thurawn leh fuihna te dawng turin kan inhawng reng a ni tih min hriatpui turin mipuite kan ngen a che u," an ti.