Aizawl : Zirtawp zan atang khan Baptist Mipa Pawl (BMP) Mizoram pum huap intawhkhawmna - Mizoram BMP Meet vawi 3-na chu Thingsai Field-ah neih tan a ni. He Meet -ah hian ‘Isua zuitu rinawm’ tih thupuia hmangin Pathianni zan thleng he meet hian a awh ang.

February 7, 2020 zanah meet hawnna neiin, inkhawm hi Pu K. Zodinmawia, Secretary, Republic Pastor Bial-in a kaihruai a, General Secretary Rev.F. Ramdinmawia’n BMP Meet vawi 3-na hi a hawng.

Nimin Inrinni chhun leh zanah Pathian chibai buk inkhawm neih leh a ni a, vawiin Pathianni hian inkhawmpui hi chhunzawm leh niin zanin hian a tiak ang. Thupui thlan bik hmang hian rawngbawltu hrang hrang ten thusawina hun an hmang a ni.

Mizoram BMP Meet hi Kum 3 danah neih thin niin 2014 khan Lunglei Bazarveng Biak Inah nghah a ni a, kum 2017-ah Zobawk ‘S’ Pastor bial-in an thleng leh, tun a thlengtu Thingsai hi Baptist Mipa Pawl (BMP) dinna hmun niin May 4, 1980 khan he pawl hi din a ni a, 2018 BCM Statistics in a tarlan ang chuan BMP member hi 15684 an awm mek a ni.