Aizawl: August ni 13-17 inkar chhung hian Mizo Writers Association chuan a vawi khat nan Book fest cum Writers meet Aizawl Vanapa hall ah buatsaih an tum.

Book Fest leh Writers Meet chungchangah hian Zirtawpni khan Mizo Writers Association hruaitute chuan Aizawl Press Club-ah chanchinbumite an kawm a. Book fest cum Writers meet Organising Commtt chiarman B. Lalthangliana chuan lehkhabu tangkai zia leh pawimawhna te leh a hlutna te mipui in an hriat thara lehkhabu tha man man zawka an lei theihna tura buatsaih an nih tur thu a sawi a, mipui nawlpui, NGO leh sawrkar Dept. bakah zirlai a tam thei ang ber chhim turin an sawm tih a sawi.

Mizo Writers Association hruaitute chuan book fest chhung hian chawhma dar 11 atanga tlai dar 5 thleng a duh tan tlawh theih a ni dawn tih sawiin ziakmi te tan lehkhabu dawr dawhkan 40 bawr velah lehkhabu hlu tak tak lei tur leh en theih tura phochhuah ani dawn tih an sawi a. Lehkahbu ziaktu lar leh lehkhabu ziak thin thlan bik te chu nitin mi 5 vel an kawm thin dawn a, Fest chhung hian lehkhabu hi 20-50% a tlawmin hralh tum a ni a, lehkhabu then-khat ah chuan pakhat leia pakhat belh (buy one get one free) pawh tih tum a ni.

Book fest kharna leh ni hnuhnung ber hi August ni 17 hian MZP conference hall-ah hman tum a ni a, lehkhabu ziaktute chu inthlahrung lova kal turin an ngen a, tlaiah zanriah kilho an tum bawk.