Aizawl September 9, 2022 : Congress party chuan Mizoram sawrkarin Boundary Committee a kalpui dan te, meeting a ngaihtuah tur Agenda chhawpchhuah a nih dan te leh Assam nena ramri chungchanga inbiakna a sorkarin Boundary Committee a ngaihthah leh si dan te a zir chian hnuin, Mizoram sorkar hnuaia Boundary Committee hi tel zelna tlakah an ngai lo a, an inhnukdawk.

MPCC chuan Boundary Committee atangin a inhnuhdawk ta tih Sept 8, 2022 khan Boundary Committee member Secretary, Commissioner & Secretary, Home Dept hnenah ziakin a a thlen. Vawiin, Sept 9, 2022-a Mizoram sorkar Boundary Committee thutkhawm (meeting)-a neihah pawh MPCC hian aiawh (representative) a tir lo, tih thuchhuah an siamah an tarlang. 

Congress party chuan an party chhunga Boundary Committee a neih sa hmangin Mizoram leh thenawm state te nena ramri chungchanga harsatna kan neih te hi uluk takin an enzui zel dawn, an ti bawk.