Aizawl January 13, 2024 : Mizoram sawrkar (Home department) chuan Mizoram ramri chungchang ngaihtuahtu tur Boundary Committee a din thar.

He committee ah hian Chairman atan Home Minister K. Sapdanga ruat a ni a, Vice Chairman ah Environment, Forest & Climate Change Minister Lalthansanga niin, member secretary ah Home Commissioner H.Lalengmawia ruat an ni. Anni bakah hian Committee member atan Adviser to CM (Political) Lalmuanpuia Punte, Chief Secretary Dr. Renu Sharma, Mizoram DGP Anil Shukla, Govt T. Romana College Assistant Professor Joseph K. Lalfakzuala, Political party (MNF, INC, BJP, AAP leh ZPM) aiawh pakhat theuh leh tlawmngai pawl NGO Coordination Committee, Central YMA, MHIP, MZP, MSU leh MUP aiawh pakhat theuh bakah JAC on Inner Line Forest Reserved Demand, Mizoram aiawh pakhat te an tel a ni.