Boxing hi sport zingah pawh khawvel-a ropui ber thlan har ber zing ami a ni. A chhan chu weight division hrang hrang awm a nih vang hian weight class hrang hrang a fighter te hi khaikhin a a harsa em em a ni.

Floyd Mayweather leh Muhammad Ali te hi an khelhna mul a inang lo em em a, mi tam zawkin heavyweight champion kan ngaihsan rualin mahni weight bikah ngat chuan Mayweather-a te ropuina ang hi sawi nep theih a ni hauh lo. 

Tehna hrang hrang hmanga PlanetSport tena an teh khawvel boxer tha 10 te chu heng mi te hi an ni.

10. Jack Johnson
A ni hi midum zinga heavyweight champion hmasa ber a ni a,  ni hian 1908 atang 1915 thleng heavyweight huangah kum 7 chhung vel chhung ro a rel a, he list-a lang zinga khel hmasa ber a ni.  

9. Benny Leonard
Benny Leonard hian a vanglai chuan lightweight huang chu a aw bet hneh angreng hle a, 1917 atanga 1923 thleng khan khelin match 212 a khel hman a, a khelh zawng zawng zingah hian tum 4 chiah a tlawm a ni. 

8. Jimmy Wilde
Kum zabi 20-na tir lam bawr vela fighter tha ber pawl Jimmy Wilde hi flyweight division-ah world champion niin kum 7 chhung vel chu a huangah hian ro a rel a ni. 

7. Willie Pep
Willie Pep hian a hun chhungin bout 242 a khel hman a, heng zinga 230-ah hian a chak vek. Pep hian mak tak maiin vawi khat pawh hnek lovin a khelhpui a hneh thei a, a larpui phian nghe nghe. Pep hi 1942-1950 chhung khan kum 8 chhung zet featherweight world champion a ni thei. 

6. Joe Louis
Joe Louis hi Johnson kawng sial sa rawn zawh leh hmasa ber a ni a, mi hang zinga heavyweight champion thei pahnihna a ni. American hero nih tling khawpin tum 25 zet a title a hum.

5. Floyd Mayweather
Money Mayweather hi alo berah pathumna ai hniama a awm i ring lo mai thei. A chhan pawh match 50 boxing a khelhah tlawm miah lovin boxing a chawlsan thei tlat. World title hnek chhuak tam ber niin division hrang hrang panga-ah title fight tum 26 zet a hmachhawn a, a chak vek bawk. Mahse, pangana a ni phak hram. 

4. Henry Armstrong
Henry Armstrong-a boxing khelh hun ai hi hun harsat vanglai tak a ni a, a ni pawh hian class hrang hrangah a rualin title pathum zet a kawl thei. Boxing bout 151 a khelh zingah tum 101 a chak a ni. 

3. Sugar Ray Leonard
1976 Olympic Games star kha a ni a, boxing golden era an tih bawr vela khel a nih vangin a hming pawh a thang hle nghe nghe. Sugar Ray Leonard hian weight hrang hrang panga-ah world title a kawl vangin a inchhuang ve thin hle. 

2. Sugar Ray Robinson
Sugar Ray Robinson hi khawvel boxer piang tawh zinga ropui ber pakhat a ni a, chuvanga pahnihna dinhmun luah thei pawh hi a ni. A hmelma kumhlun Jake La Motta tum ruk zet an inhnek a, anni pahnih inhnek aia boxing fans te ngaihhlut kha boxing chanchinah a awm bik lo. 

1. Muhammad Ali
Muhammad Ali hi chu mi tam takin khawvel boxer piang tawh zinga boxer ropui berah an pawm hmiah. Boxer ropui an thlanna hrang hrangah Muhammad Ali hi a chungnung berah an dah fo thin. A hmingthan em em chhan pakhat chu a che rang lutuk hi a ni a, boxing a khelh chhungin heavyweight champion tum thum a ni.