Boxing Day hi Christmas tukah hman a ni thin a, he ni leh sports hian inkaihhnawihna a nei lo a, hnam tih dan phung chawlh a ni zawk. Hmanlai chuan, hemi ni hian mirethei te hnenah thil pek an pe thin a, tunlai hi chuan mi zawng zawng tana chawlh a puan a ni ta a, chhungkua a hun hman hona atan an hmang thin. 

Boxing Day hi tun thleng khawvel hmun tam takah an la hmang a, chung zingah chuan United Kingdom, Scotland, Australia, Nigeria, Canada, Germany, Denmark leh Norway te hi a hmang uar ram an ni a, ram dangah pawh hmang an awm bawk.  South Africa chuan he ni ah vek hian Day of Goodwill an hmang thin ve bawk. 

Boxing Day tih hming a put tan chu 1800s chho kha a ni a, Queen Victoria rorel lai a ni.  Heng hun chhovah hi chuan Christmas tuk hian mihausa ho ten an chhiahhlawh te thil pek ni atan an hmang thin a. Hnathawk te chu an mahni ruaitu ten Box khatin thilpek, pawisa leh Christmas-a an thil eibang te an pe thin a, Christmas-a hna an thawh tukah hian chawlh pek niin bonus an dawng thin a ni. 

Thingtlang lama awm te chuan Boxing Day hi ramchhuahna hun atan an hmang thin a, tlai lamah an khawchhunga pub-ah te intihhlimna an nei thin. 

The patron saint of horses an tih mai, St. Stephen khan December 26-ah hian fest day a hmang thin a, he ni hi St, Stephena Day te pawh an ti bawk. Boxing Day leh St. Stephens Day-ah hian sakawr intlansiak leh rugby khelhna hun atan an hmang thin bawk. 

Pawisa inpek te, ei tur inpek te leh thilpek dang inpekna hun Christmas tuka an neih thin avangin 'giving Christmas boxes' (Christmas bawm  inpek) ni tiin a tir chuan an sawi thin a, hun a lo kal zel a, Boxing Day tih in an sawi ta a ni.