June 21; 2022; Sawrkar hnathawk inzawmkhawmna pawl, 'Federation of Mizoram Government Employees & Workers' (FMGE&W) council meeting vawiin a thukhawm chuan, Dearness Allowance (DA) tihpun chungchang a sawrkar kar nan, June ni 27 atanga July ni 1, 2022 thleng badge dum bel nise an ti a, awmzia a neih loh chuan hmalak chhunzawm zel tur dan tur rel leh nise an ti.

FMGE&W vawiin a thukhawm chuan, thil man to zel phuhruk nan a DA pung thin chu central sawrkar hnathawk ten 34% an lak tawh laiin, Mizoram sawrkar hnathawk te chuan 28% an la mek tih an tarlang a, central sawrkar hnathawkte anga DA an lak ve nan sawrkar ah vawi engemaw zat an dilna in awmzia a neih rih loh avangin sawrkar kar nan badge dum bel nise an ti a ni.

Sawrkar hnathawk indaihlohna phuhruk nan FMGE&W general conference 2021 a neih in a lo rel tawh angin, pension kum 60 hman mek chu, kum 62 a tisang turin sorkar an ngen nawn leh bawk.

FMGE&W chuan sawrkar hnathawkte kumtin thi leh pension in mi 2,000 chuang an chhuak zel tih tarlang bawkin, chung mite aia thawk tur, hna thar lak kum 10 chhung a a awm that fumfe rih si loh avangin, hnathawktute leh hnathawh in nasa takin a tawrh zel thu te, hetiang zela kan kal chuan sawrkar leh a hnathawhin a tawrh/chakloh phah theih thu te an tarlang bawk.