DOWNLOAD OUR APP

Read latest news on your phone
app-store
BREAKING NEWS: MADC ah INC leh MNF thawhhona sawrkar thar a piang dawn; Seat la tlem ber INC in CEM dinhmun chelh dawn
May 16, 2022

May 16, 2022; Mara Autonomous District Council (MADC) ah sawrkarna siam thei an awm lawk loh hnuah, vawiin tlai khan Indian National Congress (INC) leh MNF te chu sawrkarna siam turin an inrem a, Chief Executive Member (CEM) dinhmun INC in an chelh ang.

Siaha atanga ZALEN thudawn danin, ruahmanna an siam danah vawiin tlai khan MADC a sawrkar intawm siam chungchang ngaihtuahin, Siaha ah MNF leh INC hotute bakah MDC thlan tharte an thukhawm a, chuta inremna an siam ang leh chanvo insem dan tur ruahmanna an siam dan chuan, CEM dinhmun chu Phura bial atanga INC ticket a thlan tlin H. Malvin-an a chelh ang a, Dy CEM chu Amotlah bial atanga thlan tlin - HC. Lalmalsawma Zasai, MNF in chelhin, chairman dinhmun chu Siaha South -II atanga thlan tlin - N. Viakhu, MNF in a chelh ang.
        
Heng bakah hian INC in Executive member (EM) pathum an chan bakah, nominated seat 1 an chang ang a, MNF in nominated seat 2 an chang ang a (nominate seat 3 a awm). EM 5, Deputy chief whip, Vice chairman (Planning) an chang bawk ang. 

Zanin khan MNF leh INC ticket a thlan tlin MDC te chuan thawhhona an siam ah hian hming an sign hnan vek tih Siaha atanga thudawnna chuan sawiin, thawkho tura inremna siam a nih tak avangin MADC ah MNF leh INC thawhhona joint legislature party pawh din fel nghal a ni bawk.

Thawhhona sawrkar thar din tura inremna a awm theih tak avang hian May 18, 2022, Nilaini hian chairman thar thlanna buatsaih a ni ang a, chumi hnuah Governor pawmpui turin thlen a ni ang.

Tarlan tawh thin angin, MADC inthlan ah khan BJP chu seat la hnem ber niin, MDC bial 12 ah hnehna an chang a, MNF in bial 9 ah hnehna changin, INC in bial 4 ah hnehna an chang a, party mal anga sawrkar siam thei tura seat lak ngai zat 13 la phak an awm lo a ni.

Euro 2024 final opinion poll
Euro 2024-ah hian tunge champion I rin?
Spain
England

Latest News & Chhiar Hlawh