May 9,2022; Mara Autonomous Dist Council (MADC) inthlanpuiah BJP chuan MDC seat la hnem berin, seat 25 ah seat 12 lain, sawrkarna siam thei tura lak ngai seat 13 erawh an phak lo. MNF in seat 9 lain, INC in seat 4 an la a, ZPM leh Independent candidate ten seat lak an nei lo.

May 5, Ningani khan 12th MADC General Election chu boruak muanawm tak hnuaiah tha taka zawh a ni a, MDC bial 25-ah candidate 85 an awm. Vote nei mi 42,342 zinga mi 36,119-in vote an thlak a, vote tla hi 85.30% a ni.

MDC bial hrang hrangah vote a tla tha tlangpui a, vote tlak thatna ber Amotlah bialah 95.71% a tla a, vote tlak chhiatna ber Siaha East-I bialah 74.68% a tla. Polling station zinga vote tlak thatna ber Riasikah-ah 98.95% a tla a, vote tlak chhiatna ber New Siaha West-II ah 72.50% a tla thung. Vote thlaktu zinga upa ber chu Rothangi, College Vaih-II, kum 96 mi a nia hriat a ni.

MADC MDC inthlanpui kum 2017-ah khan Congress party-in seat 17 lain hnehna an lo chang tawh a, MNF leh MDF tang dunin, MNF seat 5 leh MDF-in seat 2 an la a, independent candidate 1 a tling bawk. Tun 2022 inthlanpui ah erawh BJP in seat 12 lain, state sawrkar a rorellai MNF in seat 9 an la a, INC in seat 4 an la a, candidate 8 nei ZPM leh Independent candidate ten chakna bial an neilo thung. 

Bial                                     Tling                            Party       Vote hmuh zat
01 - Tokolo                        M. Laikaw                    BJP          407
02 - Phura                          H. Malvina                  INC          412
03 - Vahia                           K. Chhuabei                BJP          705
04 - Laki                             T. Seido                        BJP         550
05 - Zyhno                         L. Prisila                       BJP          651
06 - Chapi                          C. Chehnei                   BJP          419
07 - Chakhei                      K. Hrahmo                   BJP          642
08 - Siata                           M. Chiadung                BJP          571
09 - Tisi                             Tiahlei Syuhlo              BJP          538
10 - Tipa -I                        S. Lalremthanga          MNF        436
11-Tipa-II                          Beihu Nohro                BJP          497
12- Laty                             Beirahmo Syhly           BJP          533
13- Saikao                         Beihruakhai                 MNF        581
14 - Amobyu                     N. Zakhai                     BJP          707
15 - Amotlah                    HC. Lalmalsawma Zasai  MNF    410
16- Noaotlah                    Lalrosanga                   MNF        606
17 - Chhaolo                     MH. Tiabi                     BJP         663
18 - Siaha North - I          Nahlo Solo                   MNF       496
19 - Siaha North - II         M. Manasia                  MNF       585
20 - Siaha South -I           J. Vabei33kiasa             MNF       510
21 - Siaha South -II          N. Viakhu                     MNF       875
22- Siaha East - I              H. Hrangchhuanga      INC        1100
23 - Siaha East- II             HC. Biakcheuva            MNF      1109
24- Siaha West-I              TA. James Riatha          INC       1050
25 – Siaha West -II           ST. Vanlalmalsawmliana INC     882