Manchester United chuan ball possession 67% zet chang mah se Brentford lakah 4-0 teh meuhin an tlawm a, he vang hian a boss Erik ten Hag chuan Pathianni a an chawlh neih tur a cancel sak.
 
August ni 22-ah daih game nei leh dawn chauh mah se an mual Old Trafford-a Liverpool rawn len luh hma chu a squad te tan weekend hman a remti lo. Hei hi a chhan bul ber chu, Inrinni zana club lian lo tak Brentford laka si li faia an chak loh vang a ni. 

Inrinni zana an chet dan avang khan fans leh pundit ho sel an tawng nasa hle a, an chak loh chhanah hian sawi neuh neuh a tam hle a, Jamie Redknapp chuan player te mah phurhna tia a sawi laiin, United captain hlui Gary Neville thung chuan club lam denin thil dik lo awm te sawifiah turin a phut thung. 

Fans group MUST (Manchester United Supporters Trust) chuan share scheme chung changah Glazer chhungkua biain a rang thei ang bera a bul thum atanga siam that an phut a ni. Thenkhat erawh chuan an harsatna tawh mek chu awlsam taka chin fel mai chi niin an ngai lo thung. France midfielder Adrien Rabiot-a chu lak ngei tumin an hel mek.

Ten Hag chuan a player te chu mawhphurhna la ngam tur leh an dinhmun theuha huaisen taka awm turin a chah.