British Book Award sem zawh takah England footballer Marcus Rashford-a lehkhabu ziah 'You Are A Champion' chu Book Of The Year' atan thlan a ni. Award semna hun hi Grosvenor House, London-ah neih niin, Marian Keyes, Sir Billy Connolly, Sir Paul McCartney leh Sathnam Sanghera te chu award dawngtu  zingah an tel. 

Kum lama naupang zawkte fuihna lehkhabu 'You Are A Champion' hi Marcus Rashford leh journalist Carl Anka ten an ziah a ni a, chhiar a manhla hle ang tih a rinawm. 

"Lehkhabu ka siam chhan leh ka ziah chhan chu ka neih ngai loh leh hriat ngai loh, tun hnua pawimawh tak tak ni si kum lama naupang zawkte tana chhawpchhuah hi a ni," tiin a sawi. 

Hetih lai hian Marian Keyes chu Author Of The Year atan thlan a ni a, 'The Lyrics' ziaktu Sir Paul McCartney chu Non-fiction lifestyle category-ah winner a ni bawk.