ZALEN November 11, 2025: ZPM Thalai General Headquarters chuan Mizoram Chief Minister Lalduhoma'n Union Home Minister Amit Shah hnena Mizo Thalai 300 Border Security Force (BSF) a, an luh theih nana, ngenna a lo thlen tawh anga Mizo thalai 300 an tling thei chu an lawmpui tih thuchhuah an siamah an tarlang.

ZPM Thalai chuan Mizo thalai tling tharte an chhuang a, Mizo hnam tana hnam hmel lanna an ni tih hrereng turin leh Rinawmna, Dikna leh Huaisenna nen he hna zahawm tak hi tha taka thawk turin duhsakna an hlan a ni.

ZPM Thalai General Headquarters chuan, "Thalaite hmakhua ngaitu kan nei hi lawmawm kan ti a, hna zawng mêk te tan, ZPM sawrkarna hnuaiah kâwl a êng chho zel mai hi thalai te'n a thlamuan thlak kan ti a, Mizo thalaite hmakhua ngaitu Pu Lalduhawma leh a kaihhruai ZPM mipui sawrkar hi fakawm kan tiin kan chhuang takzet a ni. Mizo Thalaite tan Mizo Territorial Army pawh tunah hian la leh tura ruahmanna siam mek a ni a, Thalai tam thei ang ber Interview hmachhawn leh turin Mizo thalaite kan beisei bawk a ni," an ti.