Aizawl : Bible Society of India, Aizawl Auxiliary chuan kum kaltaa an target chu nuai 158 in an khum.
BSI Aizawl Auxiliary hian kum 2018-2019 a an budget chu Rs. 301,00,000 niin an sum hmuh zawng zawng chu Rs. 459,73,356 a ni a, target hi Rs. 158,73, 356 in an khum a ni. BSI hian nikum an target an khumna aia kumin an khumna hi Rs. 79,25,689 in a tam zawk bawk.
Zalen palai zawhna chhangin BSI thawktute chuan Aizawl Auxiliary chu India rama Auxiliary awm 16 zingah a ti tha ber a ni tih an sawi a. Tunhnaia mipuiin certificate an lakna tam ber Life leh Patron te chu tihsan ni mahse thildangah mipui ten an pek that avangin a hniam zawnga kal lovin a hmasawn zawng zelin an kal tih sawiin lawmawm an tih thu an sawi.
Bible Society of India, Aizawl Auxiliary hnuaiah hian Branch 55 awmin Mizoram mai bakah Triopura state, Cachar, hailakandi leh Karimganj district te a huam a ni.