Aizawl August 21, 2023 : Vawiin khan Bible Society of India (BSI) Andhra Pradesh Auxiliary hruaitute chuan Manipur atanga raltlante tanpuinan Central YMA ah Rs.2,50,000/- an hlan a, CYMA aiawhin Prof. Malsawmliana, Assistant Secretary in a dawng. 

BSI lam hi Andhra Pradesh Auxiliary Secretary Rev Kandikonda John Vikram in a ho a, Aizawl Auxiliary Secretary Rev Remlalfaka leh a thawhpui ten an tawiawm bawk. 

BSI AP Auxiliary te hian Manipur buaina avanga harsatna tawk te hi tanpuina engemaw zat an pe chhuak a, hun remchangah Churachanpur a kal a tanpuina pek an tum bawk. 

Central YMA Assistant Secretary, Prof. Malsawmliana chuan lawmthu sawiin YMA in raltlan a lo buaipui dan hrang hrangte a sawi a, BSI te thiltih chuan rah tha tak a chhuah ngei a beisei thu a sawi. Hemi hunah hian Roneihthanga, Finance Secretary, CYMA a tel bawk.