Manipur Chief Minister N Biren Singh-a’n Churachandpur district a tlawh tur chu hmun hrang hrangah buaina a awm avangin a thulh.

Chief Minister Singh hian Zirtawpni khan Chrachandpur hi tlawhin hun hmang tura ruahman a ni.

Ningani zanah khan Zirtawpnia chief minister-in hun hmanna tur chu suasam a ni a, hal a lo ni tawh bawk nia sawi a ni.

Manipur police chuan PT Sports Complex tuala pungkhawmte hi teargas hmangin an hnawt darh bawk.

Ningani zana thil a thlen hnuah hian Churachandpur-a Singh-a hawn tur open gym chu hal a ni bawk.

Chief minister hian hetiang thil thleng hi demin mi sual, tute nge an nih hriat lohte chu chhui chhuah ngei an nih tur thu a sawi.

BJP sorkar chuan hetianga khawthlang muanna tichhe thei ang chi chu a ngaizam mai mai dawn lo niin a sawi bawk.