August 25, 2023; Vawiin chawhnu dar 1 leh dar 2 inkar vel khan Bunghmun khua kuhva chingtute chuan Myanmar kuhva ro bag 60 pick up pahnih atangin an man a, a phurtu driver te police kutah hlan an ni.

Bunghmun khua kuhva chingtute hnen atanga ZALEN thudawn danin, vawiin chawhma lam khan Kawrte khua a Taitesena thlan bulah pick up pahnih a din thu leh rinhlelhawm a nih thu an dawng a, rang takin chumi hmun chu an pan nghal a, Bunghmun a hruai phei niin, an endikna ah Myanmar kuhva ro bag 30 ve ve an lo phur a, hlan thlak sak vek an nih hnuah kuhva te hi tihchhiat nghal vek a ni.

Kuhva phurtu driver te hi Tuirum leh Teirei khaw mi an ni a, an lirthei te nen Kawrthah police kut a hlan an ni.