June 7, 2023; June ni 6, 2023 chawhma dar 10:30 vela Jowai khaw bula zirlai 12 statistics department chuanna bus (network) chesual te chuan him leh dam takin nizan dar 9 vel khan Guwahati Mizoram House an thleng a, vawiin chawhma lam khan Guwahati atangin Dibrugarh an pan. 

Zirlai chesual te hi Dibrugarh Lahowal College a Common University Entrance Test Exam turte an ni a. Zirlaite sawi danin bus driver hian zu a rui a ni.

Guwahati Mizoram House-ah hian MSU General Headquarters, Aizawl Vice President Laldinsanga hovin Guwahati MSU hruaitute nen zirlaite hi an lo dawng sawng a, hliam tawk VL Rochampuii hi a lu ah hliam tawkin hmun sawm pahnihah thui a ni a, ngaihtuahawm erawh ni lovin hahdam tir nghal a ni. 

Zirlaite hian an test na tur hmun thleng tur hian Motor/Bus a chuan an ngam tawh loh thu MSU hruaitute hnenah an sawi a, train a kal turin buaipui nghal a ni. Train delay leh harsatna awm thilah David Lalmalsawma, IRS chuan zirlaite tanpui a inhuam thu a sawi bawk.  Hemi hnu hian tukin zing dar 9:10 khan Guwahati atangin Dibrugarh an pan a ni.