Aizawl December 20, 2022: Vawiin khan Raj Bhavan Circular Lawn Aizawl-ah Deputy Speaker atanga bang ta Er. Lalrinawma bakah Minister of State ni lai K. Lalrinliana, Lalchhandama Ralte leh Lalruatkima te Cabinet Minister atan Governor Dr. Haribabu Kambhampati in a la lut a, he hunah hian  minister atanga a banna thehlut hlim Siaha bialtu Dr. K. Beichhua pawhin a telpui.

Tunah hian Cabinet Minister ni lai te chu Tawnluia, Dr. R. Lalthangliana, Lalchamliana, R. Lalzirliana leh  C. Lalrinsanga te an ni a. Cabinet Minister 4 an awm belh leh avangin Cabinet Minister hi 9 an ni dawn ta a ni. Minister of State pahnih Robert Romawia Royte leh TJ Lalnuntluanga te an la awm bawk a ni.

Vawiina lakluh thar Minister of State nilai pathum Lalchhandama Ralte, Lalruatkima leh K. Lalrinliana te hian an department chanlai chu an la chang ang a, Er. Lalrinawma hian Minister of State atanga bang ta Dr. K. Beichhua department chan te a chang zui dawn ang.