DOWNLOAD OUR APP

Read latest news on your phone
app-store

Cachar leh Mizoram inunauna tha neih zel pawimawh - Mizoram Synod

Jul 02, 2022

Mizoram Synod chuan Silchar leh a chheh vela tuilian tuartute tanpuina atan Assam CM Relief Fund-ah cheng nuai 8 a pe. Tanpuina sum hi June 28, 2022 zan khan Synod Moderator Rev. Dr. Vanlalnghaka Ralte chuan Cachar DC Keerthi Jalli, IAS hnenah a hlan.

Aizawl : Mizoram Synod chuan Silchar leh a chheh vela tuilian tuartute tanpuina atan Assam CM Relief Fund-ah cheng nuai 8 a pe. Tanpuina sum hi June 28, 2022 zan khan Synod Moderator Rev. Dr. Vanlalnghaka Ralte chuan Cachar DC Keerthi Jalli, IAS hnenah a hlan. 

Moderator hi Synod Secretary, Rev. Z. D. Lalhmachhuana leh Silchar-a Synod Office hotuten an tawiawm. Cachar DC chuan Mizoram mipuiten Silchar leh a vela tulian tuartute ngaihsaka Cental YMA-in tui in tur thahnem tak an pek avang leh Kohhranin tanpuina cheng nuai 8 an pek avangin lawmthu a sawi. Synod hruaitute hian Silchar DC chu tuilian tuartute buaipuina kawnga theih tawp a chhuahna leh a inpekna te fakin, hun kal zelah pawh Cachar district leh Mizoram chhunga chengte inunauna tha neih zel a pawimawh thu an sawipui. 

Silchar Synod Office-a thawktute hian Synod hotute hi Silchar Mission Compound tuilianin a khawih dan te thlirpuiin Silchar khaw chhunga Bengali Kristian awmna tuilianin a tihbuaina hmun te an tlawhpui bawk. Silchar Mission Compund-a Synod Oriental High School-ah tuilianin a tihbuai mi 620 zet sawrkarin a dah khawm a, Bengali Kristian tuilian tuar mi 60 te chu Synod Guest House leh PCI Guest House-ah te awmtir an ni bawk.

Central YMA-in tui thianghlim a pek sem turin June 29 khan Silchar YMA te chu Synod Mission Compund atangin an feh chhuak bawk a ni.

Share now