Aizawl July 24, 2024: Vawiin khan Mizoram State Board for Wildlife (SBWL) meeting vawi 10 na chu an chairman Chief Minister Lalduhoma hovin an thukhawm a, Compensatory Afforestation Fund Management and Planning Authority (CAMPA) Chairman a nihna hrilh a ni lo chu mak a tih thu a sawi.

Chief Minister chuan, "Tun hnaia Delhi ka zinnaah Mizoram CAMPA Chairman ka nih thu Union Minister of Environment & Forest in min lo hrilh a. Mizorama a buaipuitu kan official ten kha leh chen Chairman ka nih thu min hrilh hre miah lo kha a mak ka ti hle a ni. Union Minister hian Mizorama Forest Clearance fel lo vanga hmasawnna hnathawh chawlh lailawk (pending lists) min lo pe a. Political level-ah min tanpuia, kan harsatna te min chinfel sak hi a duh ngawih ngawih a ni. Kan ram tana hmasawnna tur, ram mipuiten tangkai taka kan hman tur hmalakna vek an ni a, a hlawhtlin theih nan kan tangrual tur a ni. Dan hi mipuite hmasawnna leh hamthatna atana siam a ni a, an harsatna leh an hmasawnna tur daltuah kan lo hmang tur a ni lo," tiin member te a chah a ni.