DOWNLOAD OUR APP

Read latest news on your phone
app-store
Cannes Film Festival-ah Manushi Chhillar 
May 14, 2023

Miss World 2017 Manushi Chhillar chu a vawi khat nan Cannes Film Festival-ah a inlan dawn. Cannes Film Festival 2023 hi French Riviera-ah May 16 - 27 chhungin neih a ni ang. 

Manushi Chhillar bakah hian Bollywood star inlan tur an awm nual a, Anushka Sharma pawh a vawi khat nan a inlan ang. Anni bakah hian  - Aishwarya Rai Bachchan, Vidya Balan, Sharmila Tagore leh Deepika Padukone te chu an inlan leh dawn a, jury atan an tang dawn nghe nghe a ni. 

Bollywood chhulchhuak - Priyanka Chopra, Sonam Kapoor, Mallika Sherawat, Pooja Hegde, Hina Khan, Tamannaah Bhatia leh Aditi Rao Hydari te pawh inlan tur zingah an tel cheu bawk. 

Kum 25 mi Manushi hian Bollywood a luhchialh a, a lar zui viau lo thung. Kum tir lama tihchhuah 'Tehran' film-ah khan John Abraham nen an chang dun a, mahse beisei angin a hit tawk lo. Ali Abbas Zafar film 'Chote Miya Bade Miya' ah Akshay Kumar, Tiger Shroff, Sonakshi Sinha leh Alaya F te nen an changho bawk a, nakkum April-ah tlangzarh a ni ang. 

India leh Myanmar Border Fencing
India leh Myanmar ramri hung tum chungchang hi eng nge i ngaihdan?
Hung hi tha ka ti lo
Hung se ka ti
Ngaihdan ka nei lo

Latest News & Chhiar Hlawh