Khawzawl September 9, 2023 : Khawzawl District chhungah kumin 2023 January ni 1 atanga vawiin thlengin Case 49 ziahluh a ni tawh a, heng zinga Case 36 hi Chargesheet tawh niin Case 13 chu chhui zui mek a ni.

Kumin chhunga Khawzawl Police Station a Case ziahluh te hi Zu Case 12, rukruk case 12, in rawk case 12, ND&PS Act 5, POCSO Act 2, Motor Accident (Fatal Case) 2 leh Case dang 4 a ni a. Khawzawl Police Station hian khaw 28 an bial a, tunah hian Thana-ah hian Inspector pakhat, S.I. pakhat, ASI pahnih, Head Constable pali, Constable pariat leh Driver pathum an awm bakah 2nd.I.R. atangin Havilder pakhat, Naik pakhat leh Constable pahnih Attached an awm bawk. 

Khawzawl Police Thana hian tun dinhmunah Prison Van 2 - 407 leh 207 te neiin Bolero Campers 1 leh Bike 1 an nei bawk a. An bial chhung a zau bakah lirthei an neih tlem bawk si avang hian harsatna an tawh phah fo a ni.