Aizawl April 14, 2022 : Central YMA Central Co-ordination Committee (CCC) vawi 93 na neih chuan Ruihhlo chungchanga hmalakna turah Sawrkar/Kohhran/Pawl dangte sawmin inzirtirna nasa zawk kalpui nise an ti. Vawina Bawngkawn South YMA Hall a Central Co-ordination Committee Central YMA President R. Lalngheta hoa neih ah hian khawmpui palai mi 237 an kal a ni.

Central YMA Central Co-ordination Committee CCC vawi 93 na neih zawh taka ah hian
YMA khawih thilah an hmalak dan tur te relin, Ruihhlo chungchangah Sawrkar/ Kohhran/Pawl dangte sawmin inzirtirna nasa zawkakalpui ni rawh se” tih chu Central YMA in hma a lo lak tawh dante ngaihthlak a ni a, hmalak chhunzawm zel nise an ti. 

Central YMA Building sak mek chhunzawmna atan YMA member ten donation-thawh khawm ni rawh se" tih chu bawhzui a nih dan leh Branch tin ten June 15, 2022 hma a Central YMAa thehlut tura hriattirna pek chhuah tawh a nih thu report ngaihthlak a ni a. Thahnemngai taka thawh theuh tura inngen zui a ni. 

Zirtirtu mahni post-a awm tha duh lo te hi an post-a an awm theih nan Central YMA-in hma la rawh se, tih chu Central YMA in a lo bawhzui tawh dan ngaihthlak a ni a. ‘A tul angin bawhzui zel ni se, an ti bawk.

Sawrkar nena hmalak dan turah CCC chuan, Mizoram ramri hi Sawrkar in a rang lam a chinfel dan ngaihtuah rawh se, tih chu Central YMA-in a lo bawhzui tawh dan leh Chief MInister leh Boundary Committee-ah ziaka thlen a nih tawh dan te ngaihthlak a ni a, bawhzui zel nise an ti.

Zirna school-ah Mizo hnam lam zirtir a nih theih nan sawrkarah thlen ni rawh se, tih chu bawhzui a lo nih tawh dan leh hemi chungchnaga a changtu Education Minister sawipui a nih tawh thu ngaihthlak a ni a, A hlawhtlin theih nan hmalak zel ni se kan ti a, hemi kawngah hian YMA-te tih ve tur a awm anih chuan theihtawp chhuah a, a remchan dan angin Branch-te inpeizawn tlan nise an ti.

Ramchhung Thei phun uara Sawrkar nena tangduna hmalak ni rawh se” tih chu Central YMA-in a lo bawhzui tawh dan leh ruahmanna siam tura CYMA te ruat an nih thu ngaihthlak a ni a, hmalak zel nise an ti.