Aizawl June 22, 2024 : Vawiin khan Central YMA leh Mizoram Chemists & Druggist Association te buatsaih in Tawngtai Bethel Camping Center (TBCC), Sakawrtuichhunah Medical Health Camp neih a ni.

Free Health Clinic hawnna hi HC Zonunthara, CEC & Chairman, Central YMA Health & Sanitation Sub-Committee chuan a kaihruai a, Nl. Mary Vanlalhruaii Tonsing, Asst. Secy. Central YMA, Health & Sanitation Sub-Committee in tanna hun a hmang a, Ronenihthanga, Treasurer, Central YMA bakah Lalhruailiana Sailo, President, Mizoram Chemist & Druggist Association, Pu TT Zohmingthanga, Director, TBCC leh Foundation For Drug Free Mizoram atangin thusawina hun an hmang a. MS Ralte, Fin. Secy. Central YMA chuan lawmthu sawi tawngtaina hun hmang in hun tawp a khar.

Medical Health Camp-ah hian Doctor 11, Mizoram Synod hnuaia Missionary Nurse thawk mek, Medical Refresher Course Training lai mi 10, Aizawl Hospital atangin Opthalmic Assistant 3 ten tlawmngai in damlo te an en a. Mizoram Chemist & Druggist Association ten damlo te eitur damdawi nuai nga man vel an tumsak bawk.

Tun dinhmunah Tawngtai Bethel Camping Center (TBCC)-ah hian mi 1211, hmeichhia 142, mipa 973, leh thawktu mi 3 an awm mek.

Central YMA chuan Health Clinic neihna tana damdawi Rs. Nuai 5 man chuang tum tu Mizoram Chemist and Druggist Association( MCDA) te chungah lawmthu a sawi tak zet a. Aizawl Hospital atanga Doctor rawn thawk chhuak te leh Mizoram Synod hnuaia Missionary Nurse rawn thawk chhuak te chungah lawmthu a sawi tak meuh meuh a ni.