Aizawl May 21, 2024 : Central YMA chuan Vawiin-a Higher Secondary School Leaving Certificate (HSSLC) Result, 2024 chhuakah a pumpuiah 78.04% in hlawhtlinna an chang hi lawmawm an ti a, pass zawng zawngte an lawmpui.

Zirlai hlawhtlinna chang te an zir leh zelna turah leh an hma lam hunah hlawhtlinna chang zel tura theihtawp chhuah zel turin an beisei a, duhsakna an hlan bawk. Tun tuma hlawhtling ve rih lote pawh hnual mai lova theihtawp chhuah a bei zel turin an ngen bawk a ni.

Zirlaiten hlawhtlinna an chan theihna tura theihtawp chhuahtu Zirtirtute leh Department a thawktute chungah lawmthu an sawi a. A hun taka Result chhuah a nih theihna tura thawktu Mizoram Board of School Education (MBSE)-te chungah lawmthu an sawi bawk a ni.

Kan ramah zirna in hma a sawn zel theihna tur leh Quality Education a awm theihna tura theihtawp chhuah tlang turin Central YMA chuan mipuite an sawm a ni.