ZALEN Oct 30, 2024; Mizoram police ten certificate lem siam thin, mipa kum 27 mi an man, certificate pakhat siamna ah Rs. 2,000 a la thin.

Ni 25.10.2024 khan Vaivakawn PS chuan mi pakhat, Lalneihpuia, Chawlhhmun, Aizawl (Ph. No. 8119941667) chuan social Mlmedia-ah certificate a siam theih thu a post tih thu rintlak tak an dawng a, he thil hi uluk taka chhui chhunzawm nghal niin, SI C.Lalremruati leh a hote chuan Chawlhhmun, Aizawl atangin Lalneihpuia (27) hi Vaivakawn PS-ah lain, ngun taka thu zawh fiah a nih hnuah August 2024 atang khan a Mobile Phone, Oppo A71k (Model CPH1801) hmangin Certificate lem hrang hrang, HSSLC/HSLC Marksheets, 

HSLC Certificate, Driving License leh Mizoram University Grade Card lem te, pakhat Rs. 2000/- in dan phalna tel lova a siam thin thu a inpuang a ni.

A Mobile Phone hi man a ni a, amah, Lalneihpuia (27) s/o Lianchungnunga, South Vanlalphai, Hnahthial District (Present Address - Chawlhhmun, Aizawl) pawh hi man a niin dan anga hma lak chhunzawmna atan Vaivakawn PS Case No. 151/24 Dt. 26.10.2024 u/s u/s 336(2)/336(3) BNS ziah luh a ni.

Hetianga mi bumna atana educational degree, professional certificate, signature, etc., lem siam te, tihdanglam te hi dan bawhchhiatna pawi leh lian tham tak a ni tih kan inhriattir a, mipuite pawh hetiang document dik lo leh inbumna laka fimkhur tur leh hetiang dan bawhchhiatnaa inhnamhnawih lo turin Mizoram police chuan mipuite a chah a ni.