DOWNLOAD OUR APP

Read latest news on your phone
app-store

Chalfilh tlanga in sak thiat lo tura sawrkar ngenna NGT-ah hearing nei

Jan 09, 2022

Chalfilh tlang a in sak hi vawiin thlengin thiah a la ni lo

Aizawl; Mizoram sawrkar chuan December 16, 2021 khan Chalfilh tlang, Vanzaua in sakte chu thiat lo tura ngenna National Green Tribunal (NGT) Eastern Zone Bench, Kolkata-ah ngenna/dilna a thlen tawh a, hearing pawh neih a ni tawh.

Hemi chung changa ZALEN thudawn danin, Mizoram sawrkar chuan NGT-ah thiat lo tura ngenna, miscelaneous appeal (MA) a thehluh hnuah January 7, 2022 khan hearing neih niin, court lam thuchhuak erawh hriat theih a la ni lo. NGT-in thiat tura thupek a chhuah Chalfilh tlang a in sak hi vawiin thlengin thiah a la ni lo.

Mizoram sawrkarin Chalfilh tlang chhipa khualzinte hipna tura Tourist Destination project a kalpuiah forest clearance dil lo leh nei hmasa loa hma a la a, in eng emaw zat a sak avangin Centre for Environment Protection chu August 25, 2017 khan NGT-ah an zualko a. NGT chuan November 17, 2021 khan thupek chhuahin, sawrkar hmalakna awm tawhte chu thla khat chhunga thiata thian fai vek tur leh January 7, 2022-ah hmalak dan a thlalak nen NGT-a thehlut turin Mizoram sorkar a hriattir a ni.

Forest minister TJ Lalnuntluanga chuan Chalfilh tlanga tourist resort chung changa NGT-in thupek a chhuah tawh chu Chief Minister duh dan angin NGT thupek awih tho si a, Mizoram sawrkarin hma a lak tawhna te thiat loa thupek awm sa tidanglam turin NGT ngen ni se, an tih thu November 29, 2021 khan MNF party office, Mizo Hnam Run-ah a lo sawi tawh a ni.

Share now