January 17, 2023; September ni 17, 2021 a CM Zoramthanga'n a hawn, Chanmari - Chaltlang inkar pavement siam leh kawng zauhna hmun a chawlhbuk/khawthlirna siam chu tualchhung mi veivak te leh khualzin (tourist) ten tangkai taka an hman laiin, a chhehvel erawh bawlhlawh paihna hmun emaw tih mai turin a hnawk a, faina kawnga Mizote hming tichhe thei khawpin a awm mek.

Helai hmun tlawhtu ZALEN palaiin a hmuh danin, chawlhbuk a chawl leh veivak ten an thil eina kawr leh tui inna bottle ruakte chu chawlhbuk thlang lamah an paih mai thin tih a lang. Chung bawlhlawhte chu kawng leh chawlhbuk atanga hnaite a paih thlak mai an nih avangin a langsar hle.

Aizawl Municipal Corporation (AMC) hmalakna a siam, Rs. Nuai 300 senna, Chanmari - Chaltlang inkar hi tun hma atangin Aizawl khawpui chhungah chuan ke a veivahna hmun nuam ber pawl leh lirthei a veivakte tan pawh chawlh khawmuanna hmun nuam tak a ni a, khualzin veivak (hnamdang) te pawhin helai hmun hi chawlhna atan leh veivahna atana an hman tam a nih avangin, bawlhlawh paih kawngah fimkhur a ngai hle.