Aizawl August 19, 2024: Vawiin khan CM Conference Hall ah Empowered Committee for Investment te chu an chairman Chief Minister Lalduhoma hovin an thukhawm a, Chaltlang Tourist Lodge tun aia changkang zawk, 4 star emaw a aia sang Star Hotel-a siam dan tur an rel.

India hmarchhakah hian Star Hotel 57 a awm mek a. Heng star hotel te hi private enkawl vek niin, sawrkar hmunhma a nih pawhin private firm te enkawltir vek an ni. Mizoramah Star hotel hi a la awm ve lo thung a, Mizoramin Sustainable Investment Policy tha tak a neih tak avangin nikum atanga hmalakna lo kalpui tan tawh Chaltlang Tourist Lodge Star Hotel atana thuam that chungchang hi bawhzui a ni leh ta a ni.