September 3, 2023 ; Nizan dar 8:30 bawr vel khan, Chanmari to Chaltlang road, Toyota show room chhakah lei leng lung tla in lirthei a delh a, hliam tuar mi 3 damdawiin panpui an ni.

ZALEN thudawn danin, lei leh lung tla hian kawng sir a dah Nano car pakhat a chhilh a, kawng a tlan lai taxi, MZ 01 E 7624 mi pathum chuanna pawh a delh a, an zing a mi pahnih chu damdawiin ah hruai an ni a, ngaihtuahawm an ni lo nia hriat an ni.

Taxi bakah hian scooter (Avenis) MZ 01 X 7256 delh bawkin, a khalhtu in hliam a tuar bawk a, vanneihthlak takin ngaihtuahawm a ni lo nia thudawn a ni.

Lung leh lei tla hi nizan atang khan thenfai hnathawh nghal a ni a, lei leh lung tla te hi thenfai vek la ni lo mahse, lithei tlan theihin kawng hi tihtlang a ni a, vawiin lamah thenfai hna thawh chhunzawm a ni ang.