April ni 24 chawhnu lam khan Chawngte lui hnära Chakma In Pali(4) chu halsak an ni. Thu lakna tarlan danin, Chawngte(P) ram lama lui hnar, Vanteikhawr bul vela Chakma In neite chu chhuak tura tih an ni a, tum hnih 'warning' an pek hnu-ah pawh an chhuah duh loh avangin helaia pawl thenkhatin an halsak ta a ni. Heng mite hian Chawngte luidunga thing leh mau, luia cheng tinrengte tichereuvin eizawn nan an hmang thin a, hei hi YMA lam chuan an ngaimawh hlea hriat a ni.