Stamford Bridge-a inkhelhah vanneihthlak takin hun tawp hamrik ham hma hretin Harry Kane-a'n an si phurh sutna goal a thun a, feld sir a coach pahnih Thomas Tuchel leh Antonio Conte te chu lo in bak kaih deuhin red card pek ve ve an ni. 

Conte leh Tuchel te hi Spurs lamin an si phurh an sut hmasak tumin an lo in hmachhawn tawh a, yellow card pek ve ve an ni. He goal pawimawh hi Pierre-Emile Hojbjerg-a thun niin minute 68-ah Koulibaly a goal thun a sut a ni. A hnuah Reece James chuan minute 67-ah Chelsea tan goal a thun ve leh a, goal dang a luh belh tawh dawn lo emaw tih hnu minute 96-naah Kane-a'n an si phurh a rawn sut zo chiah a ni. 

He derby match-ah hian coach pahnih te hi an tang tih a hriat a, red card an hmuh hma pawhin an rum dun tawh hle a, card phawrh a ngai hial. He inkhelhah hian Kalidou Koulibaly chuan Marc Cucurella-a corner pet chu minute 18 naah mawi tawkin a volley lut a, Chelsea-i'n hma an hruai. He goal bak hi first-half ah goal dang a luh belh lo. 

Chelsea tan minute 77-ah Raheem Sterling-a pass tha tak chu James chuan mawi takin a lo pet goal a, Chelsea lamin point thum an hmu tawh mai dawn emaw tih hnuah, Perisic-a siam sak hmangin Kane chuan hun tawp dawnah in draw-na goal a thun ve leh a, 2-2 a hun tawpin point khat ve ve an hlawh chhuak.    

Line-ups
Chelsea XI: Thiago Silva, Koulibaly, Sterling, Jorginho, E. Mendy, Kante, Loftus-Cheek, Cucurella, Mount, Havertz, Reece James
Subs: Azpilicueta, Kepa, Ziyech, T. Chalobah, Chilwell, Pulisic, Hudson-Odoi, C. Gallagher, A. Broja
Tottenham XI: Lloris, Son, Kane, Hojbjerg, Ben Davies, Dier, Bentancur, Romero, Sessegnon, Kulusevski, Aparecido
Subs: F. Forster, Perisic, Lucas, Doherty, Sanchez, Richarlison, Bissouma, Tanganga, Gil