ZALEN August 30, 2023 : Central sawrkar chuan nimina Cabinet meeting in a pawmpui angin vawiin atanga hman tan turin Rs. Kg 14.2 a rit LPG (Domestic Cooking) man chu Rs 200 in a ti hniam a, rampuma hman nghal tur a ni. Ditributor ten old stock an neih pawh a rate thar hian hralh vek tur a ni. 

IOC leh Govt Oil Marketing Company in thuchhuah a siam ang in LPG rate thar chu hi Kg. 14.2 chu Retail Selling Price (RSP) Rs 1055 a ni tawh ang a, Kg. 5 chu cheng 70-a tihhniam niin Rs. 390 a ni ang a, Commercial bur Kg. 19 chu Rs 2145 a ni chhunzawm ang.

Mizoramah chuan point delivery atan Rs 7.50 belh a ngai a vangin Rs 1062.50 a hralh tur a ni a, home delivery tih anih chuan Rs. 70 belh tur a nih avangin Rs. 1125-a hralh tur a ni thung.

Gas hi IOC rate hlui-ah khan Kg.14.2 chu Rs1255.a ni a, Kg. 5 chu Rs 460 leh Commercial Kg. 19 chu Rs 2145.50 a ni.

Prime Minister Narendra Modi chuan Gas man tihniam chhan hi “Raksha Bandhan gift” a ti a, opposition lam chuan state pangnga a inthlan tur vanga ti hniamah an puh ve thung.