Aizawl; Cheng nuai 22 chuang senna, Aizawl khawpui chhung hmun 10 a Pelican crossing (traffic light hmanga kawngkanna) bun chu a nih tur anga hman tangkai a la ni tawk lo.

Pelican crossing chungchangah hian Traffic SP Rodingliana Chawngthu chuan mipuiah inzirtirna an lo kalpui tawh thin thu leh a tul dan anga an lo hman tangkai thin tawh thu a sawi a, mipui veivak an tam dan azira hman tangkai zel theih a nih thu ZALEN a hrilh.

Pelican crossing system-te hi manual a control ngai niin, hei hi traffic police lam chuan a thu phungin remort control system a thlak tura rawtna UD&PA department ah an lo thlen tawh nia thudawn a ni.

UD&PA department changtu, Deputy Chief Minister Tawnluia chuan July 17, 2020 khan Aizawl khawpui hmun 10-a Pelican crossing system, Aizawl Smart City Ltd. hmalaknaa  bun chu treasury square-a crossing system-ah hmet êng-in mipui hman theih turin a lo hlan tawh.

Pelican crossing system hi Aizawl khawpui chhunga mipuiten him zawka kawngpui an kân theih nana siam a ni a. Kawngpui lun leh mihring tamna lai zel hmun 10-ah dah a ni a, mihring leh lirthei chetvel dan vawngtu tur a ni. Pelican crossing systembun hna hi M/S Innovations Delhi chuan thawkin Cheng 22,17,810/- in he hna hi an thawk.