Aizawl: Zirtawpni zan dar 9 vel khan Tuikual veng, lung tohlawt bulah truck in a hmaa tlan bike a su a, truck khalhtu leh bike khalhtu hi an boral ve ve.
Zalen palaiin Police hnen atanga thu a dawn danin Vaivakawn lam pana tlan bike (R-15) MZ 01/G-9640 chu a hnunga tlan truck (Ashok Leyland) MZ 08-2049 chuan an hmaa tlan truck nen a sutchilh a. Bike khalhtu Zorinpuia (23) s/o Lalrinsanga Sailo, Ngentiang khua tuna Salem venga khawsa mek leh a sutu truck driver Zomuana (38) S/o. Seta, Hunthar veng te chu an boral. An ruang hi nimin khan Civil Hospital, Aizawlah post mortem an niin hemi hnu hian vui tura lak an ni. Thudawn danin truck hi a tlan chak hle niin an sawi.